| Kõttõpar eo am | Kõttõpar elap an Laura Baptist Church ej bwe jen kaiboojoj Anij, jipañ ro ri tõmak bwe ren eddeklok ilo Anij kõn aer katak Baibõl, im kõmmao ippãn doon, im kwalok gospel ñan ro rejañin lõke Kuraij |
| Tõmak ko am | Naan in Anij- Aolep 66 book im rej
naetaer Baibõl rej Naan in Anij. Kõmej tõmak bwe emõj
litok book kein wõt kõn kakurmool an Anij. Jeje kein
wõt rej Naan in Anij. Anij- Ewor juon wõt Anij jãn indeeo ñan indeeo me ear kõmanman aolep men. Ejelã aolep men, ekajoor jãn aolep men, im epãd aolep jikin aolep iien. Anij in ej walok ilo jilu- Anij Jeman, Anij Nejin, im Anij Jetõb Kwõjarjar. Jijej Kuraij- Jijej ej Anij im jen kabuñ ñan E ãinwõt Anij. Ear erom juon lukkuun armej. Ãinwõt armej ear kõjparoki aolep kien ko an Anij im ear bõk jikõd ion debwããl bwe En kõllã onean ad jerowiwi. Jej maroñ mour indeeo ilañ kõn pinmuur eo An. Jetõb Kwõjarjar- Jetõb ej Anij. Ej naruõn lal in kõn jerowiwi, kwõjarjar, im ekajet. Ej kõkããl juon armej im jokwe ilo e ñe ej erom juon Kurjin. Juon Kurjin en obrak kõn Jetõb. Ej katakin, tõl, kakememej, kaenõmman, im kõjparok juon Kurjin. Ej kaiboojoj Kuraij ilo juon Kurjin. Armej- Anij ear kõmanman armej ilo wãween im ãinwõt e. Kõn an Adam jerowiwi, jerowiwi im mej ear itok ion aolep. Kõj aolep ri jerowiwi im ejjelok emman ilo kõj. Jej aolep lia ñan eñtaan ñan indeeo. Lomoor- Jijej wõt emaroñ lomooren juon armej ñe armej eo ej ukelok jãn an nana im lõke wõt E. Naan in lomoor ej kutbuuji emãn men: bar lotak, kawãnõk, kokwõjarjar, im kõjparok. Ñe jej lõke Jijej ej keotak kõj ñan juon mour ekããl, ej kawãnõk kõj imaan mejan Anij, ej kokwõjarjar lok kõj ilo ad pãd im mour ion lal in, im ej kõjparok kõj bwe en jab jako ad Kurjin. Lomoor ej jerbal an Anij. Armej rejab bõk peir ñan jidik. |
| Iien Jar | Jabõt:
Juje:
|
| Jikin Jar | Mõn Eric Fisher - tu iar in jikin iakiu ilo Lomar, Laura |
| Jerbal ko an eklejia in |
|
| Address im phone number | Laura Baptist Church PO Box 1073 Majuro, MH 96960 528-2877/2709 |