- Etke kõmij kajerbal ukok eo mokta (men
eo kilmej)? Kõnke kõm lak lale, elaplok an tiljek
ñan kajin Hibru im kajin Grik. Baibõl eo ekããl (blu),
ej ukok jãn juon Baibõl in Pãlle eo e jab kanooj
tiljek. Armej re maroñ bõk jipañ jãn ukok eo e
kããl, ak emman kajerbal juon Baibõl eo e tiljek ñan
kajin Hibru im Grik.
- Oktak ilo ukok ko ruo. Jet armej,
ñe rej ukok Baibõl, kõttõpar eo aer ej bwe ren tiljek
ñan naan ko ilo kajin ko mokta. Rej kajjioñ in loore
joñan wõt aer maroñ. Ak jet armej, kõttõpar eo aer
ej bwe en pidodo melele aolep men ilo Baibõl. Kõn men
in, ñe rej lo juon eoon e pen melele, rej kwalok aer
make lõmnak, im jet iien rej ukõt naan ko. Kõmij
lõmnak bwe “Jeje ko otemjej emõj letok kõn
kakõrmool an Anij,” im kõn men in, ekkar bwe jen
kajjioñ in tiljek ñan naan ko ilo kajin ko mokta.
- Baibõl in Baptist men in ke? Jaab.
Missionary in Protestant raar ukok Baibõl eo mokta, im
emman aer kar ukok.
- Etke jet bok re jako jãn Baibõl eo
kilmej?E kabüromõjmõj bwe missionary ro
mokta, ear jañin mõj aer ukok. Ak kõttõpar eo amim ej
bwe kõmin kamõje. Emõj an rü kaki in eklejia in ukok
bok ko an Jeremaia, Liaajlol, Ezekiel, Daniel, Hosea, im
Joel jãn kajin Hibru ñan kajin Majõl. Ñe emõj bok ko
jet, kõm kõnaan kobaiki ippãn bok ko ilo ukok eo mokta
im bar printi. Elõñ kabuñ ilo raan kein, im jej aikuj
Naan in Anij bwe jen jelã ta eo emool.
- Elaññe kwõj aikuj juon am Baibõl,
rej $6 koba onean jilkinwõj. Jouj im jejetok ñan: dutter at ntamar.net
|
