Kwõj Nañinmej Ke?

Luk 5:31 Im Jijej e uwaak im ba ñan er, Ro re ãjmuur re jab aikuj ru uno; a ro re nañinmej.

Kwõ nañinmej ke? Ebul kain nañinmej ilo lal ilo tõre in. Jet kain nañinmej emõkaj aer jako, ãinwõt ñe jej bõk mejin. Jet kain nañinmej elap aer kautata, ãinwõt cancer, tõñal, im stroke. Bõtap, jejerammõn bwe ilo raan kein elõñ taktõ im elõñ kain uno. ~ool, ewor jet kain nañinmej takto ro re jab maroñ jipañ kõj kaki, ak enañin aolep iien, elap aer jipañ kõj, im eñin unin ad jibadek jikin taktõ ñe jenañinmej.

Kwõ kijoñ in etal ñan jikin taktõ ñe ejjelok nañinmej ippam ke? Jab! Kwõj etal wõt ilo iien eo kwõj kile bwe kwõ nañinmej im ej juon kain nañinmej kwõ bane!

Ilo Luk 5:31, Jijej ear ba bwe ro re ãjmuur re jab aikuj ru uno; a ro renañinmej. E alikkar men in. Etke Jijej ear kwalok e? Jijej ear waan joñak. Ilo Luk 5:29, Livai (ãt eo juon Matu) ear kõmman juon kwõjkwõj elap ñan Jijej, im ear jiroñ ro mõttan bwe ren itok. Ak Livai im ro mõttan raar ri tõl owõj! Ilo tõre eo, ro ri tõl owõj elap aer nana. Raar koot jãn armej, im raar jipañ kien Rom bõk owõj (tax) jãn armej. Ri Ju ro jet raar dike er kõn aer jerbal ñan ro ri Rom, im kõn men in ri tõl owõj raar jab koba ippãn ri Ju ro jet ilo jabdewõt. Ro ri tõl owõj raar ãinwõt armej re nana tata!

Ekwe, Parisi ro raar bwilõñ kõn an Jijej mõñã ippãn ro renana. Ak Jijej ear uwaak er im ba bwe ro renañinmej rej aikuj ru uno, jab ro re ãjmuur. Jijej ear mõnõnõ in etal ñan ippãn ro ri tõl owõj, kõnke raar kile bwe raar ri nana. Ak wõn ran “ro re ãjmuur” ro re jab aikuj ru uno eo (Jijej)? Ilo mool ejjelok, bõtap, Parisi ro raar watõk er make bwe remman. Elap aer kijejeto ñan Anij. Ak Parisi ro raar kabuñburuen Anij im bõk mour ilañ ke? Raar jab! Ebwejet? Kõnke raar lõke tokjãn jerbal ko aer. Elap aer jerbal ñan Anij, ak raar lõmnak bwe kõn an lap aer jerbal ñan Anij, Enaaj bõk er. Ak raar bõd. Baibõl ej ba bwe

“ejjelok en ej kõmman emman, aet, ejjelok juon.” Rom 3:12

Barãinwõt Taitõs 3:5 ej ba,

“Jab kõn jerbal ko remman jaar kõmanmani, a ilo An turiamokake Ear lomoored....”

Ilo Matu 21:31, Jijej ear ba ñan Parisi ro

“Ro ri tõl owõj im kõrã re kijoñ rej deloñ ilo aelõñ in Anij mokta jãn kom.”

Etke ãindein? Kõnke ro ri tõl owõj im kõrã re kijoñ raar kile aer nana. Juon armej enaaj jibadek taktõ ñããt? Ñe ej kile bwe enañinmej kõn juon nañinmej e bane. Ìinwõt ro ri tõl owõj, jej aikuj kile bwe jenañinmej kõn jerowiwi, im ejjelok ad maroñ in make karreok kõj. Elaññe jej lõmnak bwe “e bwe” jerbal ko ad, innãm jeban kõttãik kõj im kur ñan Jijej.

Epesõs 2:8,9 ej ba,

“Bwe kõn jouj emõj lomooremi kõn tõmak, im men eo e jab jãn kom make, e an Anij lewõj. E jab jãn jerbal ko, bwe ejjelok en kõmjãje.”

Mool jenañinmej kõn jerowiwi. Jerowiwi ej kõjpel kõj jãn Anij (Aiseia 59:2), im onean jerowiwi mej (Rom 6:23). Bõtap, kõn an Anij jouj, Ear kõmman juon wãween bwe jen mour. Ear jilkintok Jijej bwe En mej kõn kõj, bwe

“jabdewõt eo ej lõke E, en jab jako, a en mour indeeo” Jon 3:16

Rom 3:28 ej ba bwe Anij ej

“kowãnõk armej kõn tõmak, e jepel jãn jerbal ko an kien.”

Ñe jej kile ad jerowiwi ãinwõt juon ri nañinmej, im jekõnaan bõk mour, jen tõmak jerbal an Jijej wõt im mõj, im Anij e naaj karreoik kõj. Elõñ ke am nañinmej in jerowiwi? Kwõ bane ke? Ejjelok jerbal in kabuñ ak make kajjioñ in oktak enaaj bwe. Bõtõktõken Jijej wõt emaroñ in karreok kõj jãn jerowiwi otemjej (1 Jon 1:7). Elaññe kwõj kile am jorrããn kõn jerowiwi, kwõn etal ñan “ru uno eo elap,” Jijej, bwe

“Eo ej lõke Nejin, mour indeeo an; im eo ejab lõke Nejin, ejamin lo mour, a illu an Anij ej pãd ion.” Jon 3:36

© 1997, David Utter