Kwõj mãlõtlõt ke ñan Lomoor?
Ejjelok kabwilõñlõñin elõñ kain kapeel ko im jej lo ilo raan kein. Wõn ear tõmak bwe jenaaj kar kõnono ippãn doon kõn juon telephone ak lukkuun alwõji kõn mejad jet men ko ion TV im rej walok 20,000 mile jãn aelõñ kein ad? Wõn ear tõmak bwe jenaaj kar maroñ uwe ilo juon baluun jet, ak jilkinlok juon armej ñan allõñ eo bwe en to im ito-itak ie? Aolep men kein emõj aer walok kõn mãlõtlõt an armej. Elap tokjãn mãlõtlõt jekdlln ta jerbal eo im jej kõmmane. Bõtab ewor juon mãlõtlõt im e aorõk lok jãn aolep mãlõtlõt ko jet ion lal in. Mãlõtlõt in kõnono kake ej mãlõtlõt ñan lomoor. 2 Timote 3:15 ej ba, “Im jãn ke kwõj ajri, kwar jelã jeje ko rekwõjarjar, ko remaroñ in kamãlõtlõt eok ñan lomoor kõn tõmak eo ej ilo Kuraij Jijej.” Kwõj mãlõtlõt ke ñan lomoor kõn tõmak ilo Jijej Kuraij? Kwõ jelã ke bwe wãnõk im mour indeeo ejab kõn jabdewõt juon jerbal emman kwe make kwõj kõmmane? Kwõ lukkuun jelã ke bwe ilo iien am mej kwõnaaj mour indeeo ilañ ippãn Anij?
Ewor juon teej jidikdik ilo peba in. Kwõn jolok jet minit im bõk teej in bwe kwõn lale elaññe kwõj mãlõtlõt ñan lomoor
| 1 | Ilo am lak lale, ewi joñan am nana? |
Kããlõt juon:
a. Ña juon ri nana elap.
b. Ña juon ri nana jet iien, a ejab aolep iien.
c. Jidik wõt aõ kõmman nana, enañin aolep iien ij kõmman emman.
d. Ke emõj aõ ukelok, I jañin bar jerowiwi.
| 2 | Kwõj ke tõmak bwe joñan an lap am make nana, ekkar bwe kwõn etal ñan hell im eñtaan ie ñan indeeo kõn nana ko am? |
Kããlõt juon: Aaet Jaab
| 3 | Ta eo kwõj aikuj kõmmane bwe kwõn erreo im wãnõk imaan Mejan Anij? |
a. Kõjparok kien ko An.
b. Mour ñan Anij im jerbal ñan E.
c. Lõke Jijej Kuraij kab tiljek ñan E toon wõt aõ mour.
d. Tõmak Jijej Kuraij ejepel jãn jabdewõt juon men emman ij kõmmane.
| 4 | Ta eo enaaj walok ñan juon Kurjin ñe ej kõmmane juon jerowiwi elap (ãinwõt lejen, kabaatat, ak kadek)? |
a. Enaaj jako an Kurjin.
b. Elaññe ejab karreo ak ukelok mokta jãn an mej, enaaj etal ñan hell.
c. Anij Enaaj kõjparok wõt e im kajutak e imaan Mejan im ejjelok notaan.
| 5 | Ewi joñan an bwe bõtõktõken Jijej Kuraij ñan lomooren eõk im kawãnõk eok imaan Mejan Anij? |
a. Jijej Ear mej kõn jerowiwi ko aõ, a ij aikuj jerbal bwe in mour.
b. Bõtõktõken Jijej ekajoor bwe en karreoik eõ jãn aolep jerowiwi ko aõ im kawãnõk eõ ñan indeeo.
c. Bõtõktõken Jijej ear karreoik eo jãn jerowiwi ko im iar kõmmani mokta jãn aõ ukelok, bõtab jãn iien eo im etal ij aikuj kate eõ jerbal bwe en jab jako aõ Kurjin.
d. Ejab bwe mej eo An Jijej; ij aikuj bar ãinwõt tiljek ñan E toon wõt aõ mour.
Ekwe, ej et? Ewor ke am tõmak bwe kwar pass? Jen check e uwaak ko am im lale ñe kwõ mãlõtlõt ñan lomoor.
Kajjitõk Juon (uwaak A)
Aiseia 64:6 Bwe kõm otemjej kõmej ãinwõt juon eo ettoon, im men in wãnõk ko am rej ãinwõt juon nuknuk ebwidejdej.
Rom 7:18 Bwe I jelã bwe ilo ña, ilo kanniõkiõ, emman ejab jokwe; bwe kõnaan ej pãd ippa, a in kõmman men eo emman ejab pãd ippa.
Kwõn jouj im kõnono eoon kein jet: Job 14:4; Job 15:14; Sam 51:5; Aiseia 53:6; Rom 3:10-18; Rom 3:23; 1 Jon 1:8.
Kajjitõk Ruo (uwaak- Aet)
Sam 9:12 Ri jerowiwi renaaj oktaklok ñan jikin nana, im ri aelõñ ko otemjej rej meloklok Anij.
Rom 6:23 Bwe onean jerowiwi mej...
Kwõn jouj im kõnono eoon kein jet: Jon 3:36; Rom 1:32; Rom 2:9; 1 Korint 6:9; 2 Tessalonika 1:8; Revelesõn 20:15; Revelesõn 21:8.
Kajjitõk Jilu (uwaak D)
Rom 3:20 Bwe ejjelok kanniõk enaaj wãnõk imaan Mejan kõn jerbal ko an kien, bwe jej jelã jerowiwi kõn kien.
Galetia 3:11 A e alikkar bwe ejjelok armej e wãnõk ilo kien imaan mejan Anij; bwe, Eo ru wãnõk enaaj mour kõn tõmak.
Rom 4:5 A ñan eo ejab jerbal, a ej lõke Eo ej kawãnõk ri jerowiwi, watõk an tõmak ãinwõt wãnõk.
Kwõn jouj im kõnono eoon kein jet: Rom 3:21,28; Rom 10:4; Rom 11:6; Galetia 2:15; Galetia 3:12,13; Epesõs 2:8.9; 2 Tim 1:9; Taitõs 3:5.
Kajjitõk Emãn (uwaak C)
Jon 5:24 Emool, emool, Ij ba ñan kom, Eo ej roñjake Aõ in Naan, im lõke Eo ear jilkintok Eõ, an mour indeeo, im ejãmin itok ilo ekajet; a ear ilok jãn mej ñan ilowan mour.
1 Jon 2:1 Ajri ro nejõ, ij jejewõj men kein ñan kom, bwe komwin jab jerowiwi. Im elaññe jabdewõt armej ej jerowiwi, juon ad Ri Jojomããr, Jijej Kuraij Ru Wãnõk.
Kwõn jouj im kõnono eoon kein jet: Jon 3:16,36; Jon 6:37,39,47; Jon 10:28,29; Rom 6:23; Rom 8:29-31; Pilipai 1:6; Kolosse 3:3; 2 Timote 1:12; 1 Piter 1:5; 1 Jon 2:25; 1 Jon 5:13; Jud 24.
Kajjitõk Lalem (Uwaak B)
Rom 5:10 Innãm en laplok iien in, ke emõj kawãnõk kõj kõn bõtõktõken, naaj lomooren kõj jãn illu kõn E.
Hibru 13:12 Innãm bar ãinwõt Jijej, bwe En kakwõjarjar armej ran kõn bõtõktõk eo An, Ear eñtaan ãlikin jikinkwelok.
1 Jon 1:7 ...im bõtõktõken Jijej Nejin, ej karreoik kõj jãn jerowiwi otemjej.
Kwõn jouj im kõnono eoon kein jet: Jerbal 20:28; Rom 3:25; Epesõs 1:7; Epesõs 2:13; Kolosse 1:14,20; Hibru 9:12,14,24; 1 Piter 1:19; Revelesõn 1:5; Revelesõn 5:9.
Ekwe, kwõj jutak ia kiiõ?
Kwõj ke mãlõtlõt ñan lomoor eo im ej kõn tõmak wõt Irooj Jijej Kuraij? Elaññe ekar bõd am uwaake jabdewõt juon ian kajjitõk kein, innãm emaroñ bõd kilen am tõmak Irooj Jijej Kuraij. Im elaññe e bõd am tõmak innãm kwõnaaj mej indeeo. Anij Eban watõk jabdewõt juon jerbal im kwõj kõmmane ñan kawãnõk eok imaan Mejan. Enaaj watõk wõt am kõttãik eok ñan wãnõk eo An ilo Kuraij Jijej. Kwõn jouj im bar liñõri eoon kein im kajjitõk ippãn Anij bwe En jipañ eok bwe kwõn mãlõtlõt ñan llml¼r kõn tõmak eo ej ilo Kuraij Jijej.
(c) 1999 Eric Fisher, Laura Baptist Church