Jen ko jãn illu eo ej itok!

Elap an nana jorrããn eo ear walok ilo America Jeptõmba 11 raan. Jet ri nana raar kajerbal baluun ãinwõt missile im kokkure jet im, im elõñ jãn 3,000 armej re mej! Raar ba bwe joñan bwil an kijeek eo ear ellã jãn 1,000 degree. Ke e boklok baluun ko im elap kijeek ilo moko, armej repaak raar ko.

Men in ej kakememej eõ kõn bar juon jorrããn elap eo enaaj walok, im eo jej aikuj ko jãne. Jen “ko jãn illu enaaj itok” (Matu 3:7).

Etke jen ko jãn illu eo ej itok?

1. Kõnke enaaj lap an nana! Kwõj lõmnak ke bwe elap jorrããn eo ke ri nana ro raar kokkure America? Elap, ak edik jãn men ko renaaj walok ñe Anij ej kajeik lal in. 2 Tessalonika 1:8,9 “Ilo kijeek eurur, im Enaaj lelok iden-one ñan ro re jab pokake gospel an ad Irooj Jesus Christ: Er renaaj eñtaan ilo kokkure indeeo....” Anij ej illu ippãn ro rej jerowiwi (Rom 1:18). Jet raar ko jãn moko re bwil ilo America, ak ejjelok enaaj ko jãn illu an Anij. Mool, Anij ej yokwe armej, ak Anij e kwõjarjar, im Ej illu ippãn jerowiwi.

2. Ekkar bwe illu an Anij en bwil nae kõj.

Jej jumae Anij kõn ad jerowiwi. Je jab pukõt E. Meñe elap An jouj ñan kõj, jej kajekdoon E. Lale mõk Rom 3:10-18. Rom 2:5 ej ba bwe jej korlok nana “mae raan in illu im kwalok ekajet eo ejimwe an Anij.” E jimwe an Anij kokkure kõj.

Ewi wãween ko jãn illu eo ej itok?

1. Kile am nana, im kõnaan oktak jãn am mour in jerowiwi nae Anij.

Kwõ maroñ ke kate eok im kabuñbüruen Anij kõn am jerbal ñan E? Bible ej ba jab. Rom 8:8 ej ba bwe armej ilo kanniõk e ban kabuñbüruen Anij. Rom 3:12 ej ba ejjelok ej kõmman emman. Paul ear ba ilo Rom 7:18 bwe ejjelok emman ilo e. Jej obrak kõn nana (Ekkl. 9:3). Men ko remman jej kajjioñ in kõmmani rettoon imaan mejen Anij (Ais. 64:6).

Elaññe kwõj ba, “elaññe emman aõ jerbal im tiljek ñan Anij, E maroñ bõk eõ,” innãm kwõ bõd. Ejjelok juon men kwõ maroñ kõmman ñan jipañ bõk lomoor. Ej jerbal an Jijej wõt. Je jab maroñ kabuñbüruen Anij, im je mej ilo jerowiwi ko ad.

2. Lõke bwe jerbal an Jijej wõt ej karreoik eok im lomooren eok jãn illu an Anij.

Rom 3:24,25 “Kowãnõk er, im ejjelok onean, ilo An jouj, kõn men in wiaik eo ej ilo Christ Jesus: Eo Anij ear liküt E bwe En kein medek, kõn tõmak, ilo bõtõktõken....”

Lale mõk, e jab ba bwe Anij ej kowãnõk kõj kõn ad jerbal ñan E. Kwõ jab aikuj bwe juon rü kaki en jare eok. Kwõ ban Christian kõn am oktak im tiljek ñan Anij. Kwõ naaj Christian im ko jãn illu eo ej itok kõn am kõttãik eok im kwalok am nana im ban, im kõn am lõke tokjãn jerbal ko an Jijej wõt.

Sam 32:5 “Iar kwalok ñan Eok aõ bõd, im aõ jerowiwi iar jab nooje; iar ba, inaaj kwalok aõ jebwãbwe ñan Jeova, im Kwaar jolok nana an aõ bõd.”

Rom 4:1-8 “Bwe elaññe Ebream ear wãnõk kõn jerbal ko an, ewor likõmmejãje ippãn; a jab imaan mejen Anij. Bwe ta an Jeje ko ba? Im Ebream ear tõmak Anij, im ar watõk men in ñan e ãinwõt wãnõk. ...A ñan eo e jab jerbal, a ej lõke Eo ej kowãnõk ri jerowiwi, watõk an tõmak ãinwõt wãnõk...Anij ej watõk ñan e wãnõk e jepel jãn jerbal ko...E mõnõnõ armej eo Irooj ejãmin watõk jerowiwi ñan e.”

Jon 5:24 “Emool, emool, Ij ba ñan kom, Eo ej roñjake Aõ in naan, im lõke Eo ear jilkintok Eõ, an mour indeeo, im ejãmin itok ilo ekajet; a ear itok jãn mej ñan lowan mour.”