Timon ro rej tõmak
Ilo Jemes 2:19 ej ba ...timon ran bar ãinwõt rej tõmak... Elõñ rej ba bwe ro me rej lõke wõt Jesus Christ im jab jerbal ko aer remman ñan kawãnõk er, re ban mour indeeo ilañ ippãn Anij kõnke timon ro rej bar ãinwõt tõmak, im ejjelok kajjitõk bwe reban etal ñan lañ. Rej ba bwe eoon in ej kamool bwe ejab bwe tõmak wõt. Emool ke men in?
Mokta jen lõmnak kõn men eo im timon ro rej tõmak e- Kwõj tõmak bwe Anij e juon wõt; emman wõt am kõmman, timon ran bar ãinwõt rej tõmak im wüdiddid. Eoon in ej kwalok bwe timon ro rej tõmak bwe ewor juon wõt Anij. Ekar ejjelok bar anij mokta jãn Anij eo me jej kabuñ ñan E kiiõ, im naaj ejjelok ãlikin (Sam 90:2).
Ruo, jen lõmnak kõn wãween tõmak an timon ro. Ejimwe aer tõmak bwe elõñ juon wõt Anij. Im ejimwe aer mijak Anij! Enañin aolep rej ba bwe re tõmak im mijak Anij. Bõtab am tõmak im mijak Anij rej ke tõl yuk ñan ukelok? Joñan an timon ro mikaj Anij rej wüdiddid, ak tõmak eo aer ejab kamaküt er ñan ukelok.
Eñin men eo im Jemes ej kõnono kake. Kwõ maroñ jelã aolep men ko rejimwe ikijjien Anij. Kwõ maroñ tõmak bwe Jesus ear mej ioon debwããl kõn kwe. Kwõ maroñ tõmak bwe kwe juon ri jerowiwi. Bõtab am jelã men kein e ban lomooren yuk.
Ewi likjab eo?
Timon ro rej tõmak elõñ men kõn Anij, bõtab re jab ukelok jãn bõd ko aer im lõke wõt Jesus ñan kawãnõk er
Jen ãliji. Elõñ rej ba bwe kain eo me ej lõke wõt Jesus ñan kawãnõk e, e jepel jãn jerbal ko an remman, ej tõmak ãinwõt timõn ro. Emool ke men in? E kadik bõd! Ri tõl owõj eo ear tõmak wõt, im ear wanlallok ñan mweo imõn wãnõk (Luk 18:10-14). Kiñ Devid ear wãnõk kõn tõmak meñe ear koot im uror (Rom 4:5-8), Ebream ear wãnõk kõn tõmak mokta jãn an katok kõn Isaak nejin (Rom 4:9-16; Galetia 3:13-18). Ri koot eo na ioon debwããl ear wãnõk kõn tõmak wõt. Ear jab maroñ jerbal ñan Anij ñan jidik (Luk 23:42,43).
Ri jelõk Paul ej katakin bwe juon armej ej wãnõk kõn tõmak e jepel jãn jerbal (Rom 3:28). Ta tõmak an armej rein ej ãinwõt tõmak an timon ke? Ejab! Juon timon ejab tõmak ñan lomoor. Ejab kile joñan an nana. Ejab büromõj kõn an nana. Ejab kõnaan kõttãik e ñan Jesus.
Juon mool in ri tõmak ejab lõke an make jerbal kõnke e jelã bwe e bane wãnõk an Anij. Juon mool in ri tõmak ej kõttãik e ñan wãnõk an Anij ilo Christ Jesus. Eñin tõmak eo ejimwe. Rom 10:4 A Christ ej jemloken kien ñan wãnõk ippãn otemjej rej lõke E.