Kwõn tiljek kake am karreo!
Ekkã wõt an elõñ kabuñ ko ba bwe jen tutu ilo bõtõktõken Jesus. Bõtab rej ba elaññe je jab karreo ñe jej jerowiwi ãlikin ad erom Kürjin innãm je ban mour ilañ. E mool ke bwe jen tiljek kake ad karreo elaññe je kõnaan mour indeeo?
Ñan jipañ kõj melele lok kõn men in, jen lõmnak kõn jilu kajjitõk.
1. E tõprak mour indeeo ñããt? E kadik lõñ im rej ba bwe rej Kürjin. Bõtab re jab kijer in ba bwe renaaj mour indeeo. Rej ba bwe re maroñ jab tiljek ak backslide. Mool ke bwe jenaaj aikuj in kattar ñan raan in naaj ekajet eo bwe jen jelã elaññe jenaaj mour ilañ? Ejab! E tõprak mour indeeo ilo ejja raan in am lõke Jesus. Jon 5:24 “Eo ej roñjake Aõ in Naan, im lõke Eo ear jilkintok Eõ, an mour indeeo, im e jãmin itok ilo ekajet; a ear ilok jãn mej ñan ilowaan mour. Lale mõk naan kein ruo- jãmin im ear. Juon ri tõmak ej ilok jãn mej indeeo ñan mour indeeo ñããt? Ejimwe! Ilo iien an tõmak. Kallimur in ejab ekkar ñan am tiljek. Ej ekkar ñan an Anij tiljek.
2. E tõprak mour indeeo kõn ta? Elõñ rej ba, “Aaet, jej bõk lomoor kõn tõmak im jab kõn jerbal. Bõtab elaññe je kõnaan mour indeeo, jenaaj aikuj karreo.” Juon aõ kajjitõk. Ta eo ear karreoik yuk ilo iien am kar tõmak? Taitõs 3:5 Jab kõn jerbal ko remman jar kõmanmani, a ilo an türiamo kake, Ear lomoored, kõn kwalkol in bar lotak, im kõn an Jetõb Kwõjarjar kõkããl kõj.
Ta mool ke bwe joñan an mõjno bõtõktõken Jesus, Ij aikuj karreo aolep iien bwe in pãd wõt ilo tõmak? JAB! Joñan an kajoor bõtõktõken Jesus EJJEÒ,K JUON MEN e maroñ kõjepel kõj jãn yokwe an Anij ilo Jesus.
Rom 8:39 Ejab utiej ak imlal, ak jabdewõt bar juon men in kõmman, enaaj maroñ in kõjepel kõj jãn yokwe an Anij, eo ilo Christ Jesus ad Irooj.
3. Wõn e maroñ tiljek an karreo? Levitikus 5:17 Im elaññe jabdewõt armej ej jerowiwi... meñe e jaje kake, enaaj or ruõn... Elaññe jenaaj mour indeeo kõn ad tiljek kake ad karreo, innãm jenaaj aikuj karreoik kõj kajjojo alen ñe jej jerowiwi. Elaññe karreo ej mõttan men ko im jen tiljek kaki, innãm jenaaj aikuj tiljek 100%. Galetia 5:3 Aaet, ij bar kõnnaanõk jabdewõt armej eo ej mwijmwij, bwe e ri muri in kõmman aolep en kien.
Ñe kwõj kobaik juon wõt kien ak jerbal ñan tõmak, innãm kwõ naaj aikuj in kobaik aolep kein ko. Kwõ jab maroñ kããlõt jet im jolok ko jet. Kwõ jab maroñ make pepe kõn joñan am kõjparok kien. En jab bõd am melele! Mej an Jesus wõt ej kõllã onean aolep bõd ko am ñan jemloken am mour. Im An wãnõk ej kawãnõk yuk ñan indeeo!