Ñe Armej Rej Kajekdoon Jouj an Anij
Ilo Duteronomi 32, Moses ej kakememej ro ri Israel kõn jouj an Anij ñan er. Ej ba bwe jerbal ko an Anij re weeppan im ial ko An re wãnõk (4 eoon). Ej ba bwe Anij e tiljek im jimwe wõt.
Bõtab, ekkar ñan 5 eoon, meñe kõmman ko an Anij remman, ro ri Israel raar kõmman men ko re nana ñan E. Innãm Moses ej kajjitõk ilo 6 eoon im ba, Ìindein ami na onean Jeova ke?
Moses ej wanmaanlok im kakememej er kõn wãween an Anij kar jouj ñan er im jipañ er. Bõtab elõñ ian ri Israel raar kõmman nana wõt. Raar kajekdoon jouj an Anij. Kõn men in, ilo 35 eoon, Anij ear ba, Iden-one Aõ, im onean, ilo iien eo ñe neir enaaj jeorlok: bwe raan in aer jorrããn epaaktok, im men ko renaaj itok ioer renaaj mõkajtok.
Anij ej ba bwe Enaaj man er. Epaak raan in aer jorrããn. Etke? Kõnke meñe elap An kar jouj ñan er, raar kõmman nana ñan E.
Raar ukõt An emman kõn nana. E jab emman ñe jej kõmman nana nae juon armej. Ak elaplok an nana ñe jej kõmman nana ñan juon eo ear jouj ñan kõj.
Rom 2:4,5 rej ba, Ak kwõj kajekdoon mweiuk in jouj eo An, kab An meanwõd im jab bõro kadu, im jaje bwe jouj an Anij ej tõl lok eok ñan ukelok ke? A kõn am pen, im pen büruõm, kwõj make kamweiukiuk eok kõn illu, mae raan in illu im kwalok ekajet eo e jimwe an Anij.
Anij e jouj ñan kõj aolep. Ej letok mõñã, dãn, wõt, dãt, nuknuk, im iien ko remman ippãn armej. Elaptata, Ej letok iien kõttãik kõj, jolok ad bõd Ippãn, im lõke tokjãn jerbal ko an Christ. Anij e jab aikuj kõmman men kein. E maroñ kar man kõj ke je dik wõt, im enaaj kar jimwe men in.
Bõtab, Anij e jouj im türiamo. Ak elõñ armej rej lo bwe Anij e jab kijer in kajeik er kõn aer nana, im rej kajekdoon E. Re jab pukõt Anij im ankilaan ilo aer mour. Re jab kõttãik er ñan Naan ko An. Re jab kammoolol E. Ãinwõt Israel, jet rej jar, ak aer jar ej men in iminene im manit wõt. Jet rej pukõt nõbar jãn armej. Anij e jouj ñan kõj, ak ekkar ñan Rom 2:4, unin An jouj ñan kõj ej bwe En tõl lok kõj ñan ukelok. Elaññe jej lale büruõd, jej aikuj ba bwe jaar ukõt jouj an Anij kõn nana. Ewor ruõm. Ak Anij e kõnaan lomooren kõj. Raan in jorrããn epaak. Jej aikuj kõttãik kõj ñan E im ilok jãn ad nana, im jej aikuj lõke bwe men eo wõt im e maroñ karreoik kõj ej jerbal ko an Jesus (jab ad tiljek, im jab jar an juon ri kaki). Jen jab kajekdoon jouj an Anij