Mool ke Anij ej kokkure armej?
Jud ej juon bok e kadu ak emman. Ej kõnono kõn ro re bõd ilo aer tõmak, im Jud e kõnaan kakememej armej bwe Anij ej kokkure jet armej. Wõn ro?
1. Ro ri kabuñ me re jab tõmak.
Ilo 5 eoon, ej ba bwe Anij ear kokkure ro ri Israel me Ear lomooren er jãn Ijipt.
Anij ear jouj ñan er aolep im lomooren er jãn Ijipt. Bõtab, ke raar kepaak ãne in kallimur eo, raar jab tõmak bwe Anij e maroñ jipañ er bõk anjo. Kõn men in, Anij ear ba ren rool im jebwãbwe iumwin 40 iiõ mae iien e mej aolep ro 20 aer iiõ im rüttolok, ijellokun wõt Joshua im Keleb.
Kõn an Anij kwalok jouj ñan armej, e jab melelein Enaaj lomooren er.
Anij ear jouj ñan ro ri Israel, ak kõn aer jab tõmak, ear ba “emõj.” Anij e jouj ñan aolep armej.
Ej lelok ñan armej mõñã, nuknuk, im iien ko remman. Kab, E jab kijer in kajeik er kõn nana ko aer. Innãm jet armej rej lõmnak bwe `ãinwõt juon' ippãn Anij men ko rej kõmmani. Re bõd.
Rom 2:4,5 ej ba bwe unin an Anij jouj ñan armej ej bwe Ej lelok iien ukelok jãn nana ko aer. Elaññe rej kajekdoon jouj eo An, rej kalaplok wõt An illu nae er.
Jej barãinwõt lo bwe ewor jemloken kattar an Anij. Bwijen katen ro ri Israel raar kaillu Anij, ak Ear jab pepe in man er mae iien in.
Etke Jud ej ba raar jab tõmak? E alikkar raar tõmak ilo Anij, raar jar aolep Sabat, im raar kajjioñ kõjparok kien ko An.
Bõtab, raar jab tõmak jet men kõn E. Ìinwõt ilo raan kein elõñ armej rej tõmak bwe ewor juon Anij im bwe Jesus Nejin ear mej ioon debwããl eo. Ak juon armej e ban mour kõn an tõmak men kein wõt.
Armej rej aikuj tõmak Anij ke Ej ba: ejjelok emman ilo kõj; je lia kõn ad kar kokkure kien ko An; bõtõktõken Jesus wõt e maroñ medek Anij.
Elõñ rej ba bwe elaññe juon rü kaki ej jare er, ak elaññe re tiljek ilo aer jerbal, bwe Anij enaaj lomooren er. Re jab tõmak Anij ke Ej ba bwe jerbal an Jesus wõt ej kowãnõk kõj (Rom 3:24,25).
2. Ro rej kajekdoon kien Anij.
Ilo 7 eoon ej kõnono kõn ro ri Sodom ro raar mour ñan er make. Elõñ armej ilo raan kein rej mour ñan kajejjet mõm ko an ãnbwinneir. Rej kajekdoon Anij, ak juon raan Anij enaaj kokkure er.
Bwe Anij en jab kokkure kõj, jen ta? Jen kile bwe jaar jumae Anij, im jen ilok jãn nana ko ad. Jen lõke bwe men eo wõt im e maroñ lomooren kõj ej jerbal an Jesus Christ.