Lomoor ej jerbal an Anij wõt
Ejjelok juon men juon armej e maroñ kõmman ñan jipañ lomooren e. Lomoor ej jerbal an Anij im An wõt.
1. Elõñ waan joñak rej kwalok men in.
Aolepen Bible ej kwalok bwe lomoor ej jerbal an Anij wõt.
Adam im Iv – Ke emõj kadiwõjlok er jãn Iden, elõñ ke aer maroñ in kõmman jabdewõt bwe ren bar deloñ im jimwe ippãn Anij? Ejjelok. Elaññe renaaj wãnõk ippãn Anij, enaaj kõn an Anij kõmman wãween bwe ren wãnõk.
Noa – Ear wor ke an make maroñ in lomooren e jãn ibwijleplep eo? Jaab. Anij ear kõjjelãik e im kõmman ial in lomoor.
Ebream im Isaak – Ke Ebream ear pojak in man Isaak, wõn ear onake aikuj eo im lelok juon sip bwe en pinej jenkwan Isaak? Anij!
Israel – Ear wor ke aer maroñ in lomooren er jãn ro ri Ijipt? Jaab. Raar ri kamakoko. Ear jerbal an Anij wõt ke raar diwõjlok jãn Ijipt. Ke raar pãd imaan lomalo ekilmir, ear wor ke aer maroñ in lomooren er jãn jar in tarinae eo an Ijipt? Jaab; Anij ear lomooren er.
Armej, ejjelok aer maroñ in kõmman jabdewõt ñan jipañ lomooren er.
2. Ejjelok maroñ an armej ñan lomooren er.
Jet rej ba bwe rej kajjioñ in kõmman emman, im Jesus ej kabwe kõn likjab ko aer. Rej kobaik aer emman ippãn jerbal an Jijej.
Bõtab e bõd men in kõnke, ilo an Anij lale, ejjelok emman ilo kõj. Rom 3:12 ej ba Er otemjej raar jeor, rej jimor jatokjeir, ejjelok en ej kõmman emman, aet, ejjelok juon. Im Rom 8:8 ej ba Ro rej pãd ilo kanniõk re jab maroñ kabuñbüruen Anij.
Jãn iien ad lotak, jej obrak kõn nana (Ekkl. 9:3), jepel jãn Anij (Ais. 59:2), im ri kõjdãt an Anij (Rom 5:10).
3. Anij wõt ej bõk aiboojoj kõn jerbal in lomoor.
Epesõs 2:8,9 ej ba bwe lomoor ej kõn jouj an Anij im jab kõn jerbal bwe ejjelok en kõmmejãje. Im 1 Korint 1:31 ej ba, Eo ej kõmmejãje en kõm-mejãje ilo Irooj.
Ejjelok e maroñ ba, “Unin aõ Kürjin ej kõnke iar ukelok kab iar tiljek ilo aõ mour im jerbal ñan Anij.” Armej rõt in e jab lõke Küraij wõt, im e jab lelok aolep aiboojoj ñan Anij.
Ilo Aiseia 48:11 Anij ej ba, Aõ aiboojoj I jãmin lelok ñan bar juon.
Ewi men eo kwõj kõjatdikdik kake? Am jerbal koba ippãn jerbal an Jesus ke? Ak jerbal an Jesus wõt? Lomoor ej jerbal an Anij wõt, kõnke jej ri nana im ri ban. Jen kammoolol Anij bwe Ear jouj im kõmman lomoor ñan ro re kõnaan oktak jãn aer nana nae Anij.