Ekõjkan juon armej e maroñ wãnõk ippãn Anij?
Ejjelok rü wãnõk, ejjelok juon (Rom 3:10). Elõñ armej re jelã eoon in. Innãm elaññe ejjelok rü wãnõk, elmãn ad maroñ mour ippãn Anij?
Job ear kajjitõk, Ekõjkan juon armej e maroñ in wãnõk ippãn Anij? Job 25:4
Elaññe ejjelok ad wãnõk, e alikkar bwe wãween de in bwe jen wãnõk ej elaññe juon ej letok e ñan kõj – ak je maroñ ba, elaññe juon ej watõk e ñan kõj.
Ta eo ej kowãnõk juon armej? An oktak im jerbal ñan Irooj ke? An jar ippãn juon rü kaki ke?
Bible ej letok uwaak ilo Rom 3:24,25: Kowãnõk er, im ejjelok onean, ilo An jouj, kõn men in wiaik eo ej ilo Kraist Jisõs: Eo Anij ear liküt E bwe En kein medek, kõn tõmak, ilo bõtõktõken.
Ekkar ñan eoon in, Anij ej kowãnõk armej kõn ta? Kõn men in wiaik eo ej ilo Kraist Jisõs. Ta men in wiaik in? Ej mej eo an Kraist ioon debwããl. Emman jerbal ñan Anij, ak jerbal ko ad rej kowãnõk kõj ke? Jaab. Ad oktak jãn nana ej kowãnõk kõj ke? Jaab. Jar an juon rü kaki ej kowãnõk kõj ke? Jaab.
Juon wõt men ej kowãnõk kõj, im ej tokjãn jerbal im mej an Jisõs. Elaññe kwõj kõjat-dikdik kake jabdewõt bar juon men, Anij e jañin kowãnõk eok.
Jouj im kile bwe men ko jet re maroñ emman, ak re jab maroñ kowãnõk eok. Etke? Kõnke onean jerowiwi mej. Ej aikuj wor mej kõn nana ko ad. Kab, mokta jãn an Anij kowãnõk kõj, je jepel jãn E (Ais. 59:2) im mej ilo ad nana (Epes. 2:1,2).
Ekwe, Jisõs ear mej kõn aolep; melelein ke bwe Anij ej kowãnõk aolep? Jaab, bwe Anij ear pepe bwe en jejjet men in ñan ro wõt im rej tõmak. Rom 5:1 ej ba Innãm bwe emõj kowãnõk kõj kõn tõmak, ewor aen-õmman ipped ñan Anij kõn ad Irooj Jisõs Kraist.
Men eo ej kowãnõk kõj ej mej an Jisõs. Ro im Anij ej kowãnõk er ej ro rej tõmak.
Jej tõmak ta? Jej tõmak men ko Anij ej ba: ejjelok emman ilo kõj, ekkar bwe jen mej kõn ad nana, bõtõktõken Jisõs wõt ej men eo e maroñ medek Anij. Anij ej watõk wãnõk an Jijej ñan kõj, bwe ejjelok ad make wãnõk.
Elõñ armej rej jar im rej lõke bwe Jisõs ear mej kõn jerowiwi ko an armej. Bõtab re jab tõmak bwe ej mej an Jisõs wõt eo ej kowãnõk er. Rej lõmnak bwe rej aikuj tiljek im erreo bwe Anij en kowãnõk er.
Paul ear ba ilo Pilippai 3:9 bwe ñe ej jutak imaan Anij, e ban jutak ilo an make wãnõk, ak enaaj ilo wãnõk eo jãn Anij kõn tõmak. Ta eo kwõj kõjatdikdik kake – wãnõk eo am ke (ilo mool, ejjelok am make wãnõk), ak wãnõk eo an Kraist?